የአለም አቀፉ ሙስሊሞች ሊግ ከአስር አመት በኋላ አወሊያን ጎበኘ!

የአለም አቀፉ ሙስሊሞች ሊግ ከአስር አመት በኋላ አወሊያን ጎበኘ

ጥር 2/2015 Or January 10/2023

ከሃምሳ አምስት ሀገራት በላይ በትምህርት በጤና እና በልማት የበጎ አገልግሎት ስራው የሚታወቀው አለም አቀፉ የሙስሊሞች ሊግ ከአስር አመት በኃላ የአወሊያን አሁናዊ ሁኔታን የሚመለከተው ልዑክ ጉብኝት አደረገ።

ልዑኩ በአውሮፖ የአሜሪካ ዋና ዳሬክተርና በኢስላሚክ ሊግ የዋና ፀሐፊዉ አማካሪ በሆኑት በዶክተር አብዱልአዚዝ ሰርሃን የተመራ ሲሆን ሊጉ ለሶስት አስርት አመታት ሲያስተዳድር የነበረውን አወሊያን ለአለም አቀፉ ኢስላማዊ ዕርዳታ ድርጅት አስረክቦ ከሀገር ከወጣ ከአስር አመት በኃላ በልዑካን ደረጃ ሲጎበኝ ይህ የመጀመሪያው ነው።

የአወሊያ ዕርዳታና ልማት ድርጅት የቦርድ ሰብሳቢ ዶክተር ጀማል መሐመድ እና የአወሊያ ስራ አስኪያጅ በሆኑት ሀጂ ሰዒድ አስማረ አማካኝነት የአወሊያን አሁናዊ ሁኔታን ለልዑኩ የገለፃና የጉብኝት መድረክ አድርገዋል።

የአለም አቀፉ ሙስሊሞች ሊግ የዋና ፀሐፊዉ አማካሪና የልዑካኑ መሪ ዶክተር አብዱልአዚዝ ሰርሃን በአወሊያ ማህበረሰብ የተደረገላቸውን ልዩ የሆነ አቀባበል መደሠታቸውን ገልፀው በቀጣይ ከአወሊያ ጋር አብሮ ለመስራት ከሚመለከተው አካል ጋር ዉይይት እንደሚደረግ ገልፀዋል።

ዛሬ በተደረገው የልዑኩ ጉብኝት ላይ የአወሊያ መስጂድ ኢማም የሆኑት ሼህ ዑመር መሐመድ ወሌን ጨምሮ የአወሊያ የማህበረሰብ ተወካዮች ተሳትፈውበታል።

አወሊያ ቴሌግራም
👉 t.me/awoliaschool5

Leave a Reply

Your email address will not be published. Required fields are marked *